Azərbaycan Respublikası Mədəniyyət Nazirliyinin Mədəni və Yaradıçı Sənayelərin Təşviqi üzrə qrant müsabiqəsi çərçivəsində “Gələcəyin Memarlığına Dəstək” İctimai Birliyi tərəfindən həyata keçirilən “Azərbaycanda tarixi-mədəni abidələrin rəqəmsallaşdırılması sahəsində araşdırma” layihəsinin məqsədi tarixi-mədəni abidələrin rəqəmsallaşdırılması sahəsində dövlət siyasətinin qiymətləndirilməsi və təşviq edilməsi, mədəniyyət müəssisələrində tarixi-mədəni abidələrin rəqəmsallaşdırılması ilə bağlı vəziyyətin qiymətləndirilməsi və bu sahədə ehtiyacların və perspektivlərin araşdırılması idi. Bu məqsədə nail olmaq üçün 26 fevral - 7 mart 2025-ci il tarixlərində Bakı şəhərində fəaliyyət göstərən mədəniyyət müəssisələrinin nümayəndələri arasında “Gələcəyin Memarlığına Dəstək” İctimai Birliyinin eksperti Sədaqət Qəmbərova tərəfindən sorğu keçirilmişdir.